Kuch kehna hai tumse.
Kahi sawalon ki veeraniyan,
Aur jawabon ki gutthiyan.
Par lab kyun lachaar hai,
yeh kaisi bebasi sawaar hai.
Shabdon ki lukka chuppi se,
Yeh man mera pareshaan hai.
Kuch kehna hai tumse.
Kahi ehsason ki kahaniyan,
aur ghutathe jasbaton ki rangreliyan.
Par aankhen kyun nam hai,
yeh kaisa anjaana sa gam hai.
Katraati zubaam ki sharaart se
Yeh man mera pareshaan hai.
Kuch kehna hai tumse. Kahi ansune kisso ki daastan
Aur ashkon se bheege palkon ki kaarvaan.
Par dooriyon sa kyun hamara rishta hai
Yeh kaisi kismat ki nishtha hai.
Nazaron ki dhundali nazaron se
Yeh man mera pareshaan hai.
Ab kuch nahi kehna hai tumse,
Par meri khamoshi ko padh lena
Shikayat nahi par ek arzi hai tumse
Agar meri yaadein kisi roz pukaare,
Toh bhoola bisra samjh bas laga lena dilse.
Ab kuch nahi kehna hai tumse.
Itni simple see baat bhi kitni pyaari pehchan pehen letti hai jab aap usko apne andaz mee likhte ho ... Feels good to read your writings sometimes - this is one of those times. Love you Neha <3 Hope you are well.
ReplyDeleteAaaww Ani I miss you :/ .. Feels like ages since we last talked. Thank you for your lovely comments. Tujhe pata hia this was for Saumya when we had like a little off time :) Thanks for dropping bye, I love you too <3
Delete