Meri Saheli

Aakhir tum aa hi gayi mujhse milne 
Is saal badi der laga di aane main,

Kya meri yaad nahi dilayi tumhare dilne?

Badlon par sawaar bahut door se aayi ho

Kahi kahaniyaan bhi suni hongi?!

Ab kuch chatpate kisse mujhpar barsa bhi do.

Arre kya hua, roothi kyun ho mujhse?
Yun badlon ki godh main kab tak chipogi?

Shikayatein garaj do aur nikaldo apne dilse.

Tumne apni mohabbat ka zikre nahi kiya

Naraaz toh khair hum bhi hai tumse,

Itni purani dosti ka tumne aisa sila diya?

Ab gaalon ko sehlakar mana bhi rahi ho

Tumse kab tak mooh phere baithoongi,

Is baras ki aakhri aas bhi toh tum hi ho. 

Bas bhiga do mujhe apne ehsaas main

Ki yoon kho jaaun khudse anjaan hokar

Ab is pal hi toh tum ho, yeh pal hi toh mera hai.